Toshkent viloyati Qibray tumanida 4-iyul kuni yong‘in sodir bo‘ldi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 15:25 da Qibray tumani “Yuqori-yuz” MFY Yuqori-yuz ko‘chasida ochiq maydonda yong‘in sodir bo‘layotgani to‘g‘risida FVBga xabar kelib tushgan.
Shunga ko‘ra 3 ta yong‘in-qutqaruv ekipaji soat 15:30 da voqea joyiga yetib borgan. Yong‘in soat 15:35 da o‘rab olinib, soat 15:50 da o‘chirilgan.
Yong‘in oqibatida 2,5 gektar ochiq maydonda quruq o‘t yongan.
“Hodisa oqibatida tan jarohati olgan va halok bo‘llganlar yo‘q. Hozirda yong‘in sababi aniqlanmoqda”, — deyiladi xabarda.
Avvalroq Toshkent viloyatidagi o‘rmonzorlarda yong‘in sodir bo‘lgani, Namanganda xususiy tadbirkorning do‘koni yonib ketgani xabar qilingan. Shuningdek, Toshkentda ko‘p qavatli uylarning birida yong‘in yuzaga kelgan.
Izoh (0)