Тошкент вилояти Қибрай туманида 4 июль куни ёнғин содир бўлди. Бу ҳақда Фавқулодда вазиятлар вазирлиги хабар қилди.
Қайд этилишича, шу куни соат 15:25 да Қибрай тумани “Юқори-юз” МФЙ Юқори-юз кўчасида очиқ майдонда ёнғин содир бўлаётгани тўғрисида ФВБга хабар келиб тушган.
Шунга кўра 3 та ёнғин-қутқарув экипажи соат 15:30 да воқеа жойига етиб борган. Ёнғин соат 15:35 да ўраб олиниб, соат 15:50 да ўчирилган.
Ёнғин оқибатида 2,5 гектар очиқ майдонда қуруқ ўт ёнган.
“Ҳодиса оқибатида тан жароҳати олган ва ҳалок бўллганлар йўқ. Ҳозирда ёнғин сабаби аниқланмоқда”, — дейилади хабарда.
Аввалроқ Тошкент вилоятидаги ўрмонзорларда ёнғин содир бўлгани, Наманганда хусусий тадбиркорнинг дўкони ёниб кетгани хабар қилинган. Шунингдек, Тошкентда кўп қаватли уйларнинг бирида ёнғин юзага келган.
Изоҳ (0)