O‘zbekiston va Malayziya o‘rtasida 2023-2026-yillarga mo‘ljallangan hamkorlik dasturi imzolandi. Bu haqda tashqi ishlar vaziri Baxtiyor Saidov o‘z kanalida ma‘lum qildi.
Unga ko‘ra, Toshkent shahrida Malayziya tashqi ishlar vaziri Zambri Abdul Qodir bilan uchrashuv bo‘lib o‘tgan. Unda O‘zbekiston va Malayziya tashqi ishlar vazirliklari o‘rtasida 2023-2026-yillarga mo‘ljallangan hamkorlik dasturi ham imzolangan.
“O‘tkazgan samarali muloqotimizda mamlakatlarimiz o‘rtasida kashf etilmagan keng imkoniyatlarni ko‘rib chiqdik. Uchrashuvimiz kun tartibi keng ko‘lamli bo‘lib, undan har tomonlama hamkorlikni kengaytirish, iqtisodiy diplomatiyani ustuvor yo‘nalish sifatida jadallashtirish, turizmni rivojlantirish, munosabatlarimizning shartnomaviy-huquqiy asoslarini mustahkamlash hamda mintaqaviy va global miqyosdagi masalalar ham o‘rin oldi”, — deydi vazir o‘z sahifasida.
Izoh (0)