Bugun,

  • USD 11095.31
  • RUB 173.84
  • EUR 10772.44

O‘zbekiston elchisi Ravshan Usmonov Malayziya oliy taʼlim vaziri Mohamed Xalid Nordin bilan uchrashuv o‘tkazdi, deb xabar bermoqda “Dunyo” agentligi.

Qayd etilishicha, suhbat davomida oliy taʼlim sohasidagi hamkorlikning istiqbollari, shu jumladan, Malayziyaning islom moliyasi bo‘yicha ilg‘or  tajribasini O‘zbekistonda tatbiq etish masalalari muhokama qilingan.

Mohamed Xalid Nordin Malayziyani ikki davlat o‘rtasidagi madaniyat va bilim tizimlari ko‘priklarini yanada kengaytirish va mustahkamlash tarafdori ekanligini taʼkidlagan.

“Malayziya va O‘zbekiston o‘rtasida oliy taʼlim sohasidagi ikki tomonlama do‘stona munosabatlar azaldan rivojlanib kelmoqda. Malayziya tomoni oliy taʼlim sohasida ikki davlat uchun o‘zaro manfaatli bo‘lgan har qanday hamkorlikni, ayniqsa, oliy taʼlim muassasalari o‘rtasidagi aloqalarni qo‘llab-quvvatlaydi”, — deydi Mohamed Xalid Nordin.

Xorijiy tomon O‘zbekiston Bank-moliya akademiyasi (BMA) va Malayziya Yutara universiteti huzuridagi Islom biznes maktabi o‘rtasida respublikada islom moliyasini rivojlantirish va ushbu sohada mutaxassislarni tayyorlash bo‘yicha o‘rnatilgan hamkorlikni olqishlagan.

Uchrashuv yakunida 2023-yilning iyun oyida Malayziya Yutara universiteti huzuridagi Islom biznes maktabi delegatsiyasining O‘zbekistonga amaliy safarini uyushtirish va respublika mutaxassislari uchun seminar hamda treninglar o‘tkazish bo‘yicha kelishuvga erishilgan.

Markaziy bank raisi Mamarizo Nurmurodov 2021-yil oktabr oyida Markaziy bank boshqaruvining navbatdagi yig‘ilish yakunlariga bag‘ishlangan matbuot anjumanida islom moliyasining huquqiy asoslari qachon yaratilishi va tijorat banklarida islom moliyasi darchalari qachon ish boshlashi haqidagi savolga javob bergandi. Uning aytishicha, mamlakatda “islom moliyasini rivojlantirish bo‘yicha ishlar boshlangan. 14 bankda islom moliyasi darchalarini tashkil etish bo‘yicha ishlar amalga oshirilyapti. Bunda islom moliyasi asosida kredit, depozitlar amalga oshiriladi”.

Mavzuga doir
Izoh
Asosiy yangiliklar
Dunyo
Ukraina elchisi Kaxovka GESning vayron bo‘lishi oqibatida yetkazilgan zararni 14 milliard dollarga baholadi
Dunyo
Kanada bosh vaziri Jastin Tryudo kutilmagan tashrif bilan Kiyevga keldi (foto)
Mahalliy
Toshkentda IIB binosining 4-qavatidan sakrab vafot etgan 21 yoshli yigitning o‘limi yuzasidan jinoyat ishi qo‘zg‘atildi