So‘nggi haftalarda Isroilga borgan Bayden ma’muriyatining yuqori martabali amaldorlari isroillik hamkasblarini agar Isroil Yahudiya va Samariyadagi hozirgi siyosatini davom ettirsa, AQSH bilan munosabatlarga putur yetkazishi haqida ogohlantirdi.
Tegishli bayonot Isroilning siyosiy va mudofaa rasmiylariga aytilgan. Isroil hukumatining Yahudiya va Samariyada noqonuniy aholi punktlarini qurish bo‘yicha kelishuvi, hukumatning falastinliklarga nisbatan zo‘ravonliklarni bartaraf etmasligi tanqid qilingan.
Bu Isroilning Fors ko‘rfazi davlatlari bilan munosabatlariga va Saudiya Arabistoni bilan diplomatik aloqalar istiqboliga putur yetkazishi ta’kidlangan.
Shuningdek, bu Isroil va AQSH o‘rtasidagi rejalashtirilgan hamkorlikka, jumladan, isroillik sayyohlarning AQSHga vizasiz kirish harakatlariga ta’sir qilishi aytilgan.
Amerikalik mulozimlarining ta’kidlashicha, AQSH Isroil fuqarolari tomonidan falastinliklarga nisbatan zo‘ravonlik ko‘rsatilishidan juda xavotirda. AQSH manbalari Isroil xavfsizlik xizmatlari millatchilik jinoyatlarini to’xtatmayotgani, aybdorlar javobgarlikka tortilmayotgani, hukmron koalitsiya va vazirlar mahkamasining ba’zi a’zolari falastinliklarga qarshi zo‘ravonlikni qo‘llab-quvvatlash sifatida talqin qilinishi mumkin bo‘lgan bayonotlar berganini aytdi.
Izoh (0)