Сўнгги ҳафталарда Исроилга борган Байден маъмуриятининг юқори мартабали амалдорлари исроиллик ҳамкасбларини агар Исроил Яҳудия ва Самариядаги ҳозирги сиёсатини давом эттирса, АҚШ билан муносабатларга путур етказиши ҳақида огоҳлантирди.
Тегишли баёнот Исроилнинг сиёсий ва мудофаа расмийларига айтилган. Исроил ҳукуматининг Яҳудия ва Самарияда ноқонуний аҳоли пунктларини қуриш бўйича келишуви, ҳукуматнинг фаластинликларга нисбатан зўравонликларни бартараф этмаслиги танқид қилинган.
Бу Исроилнинг Форс кўрфази давлатлари билан муносабатларига ва Саудия Арабистони билан дипломатик алоқалар истиқболига путур етказиши таъкидланган.
Шунингдек, бу Исроил ва АҚШ ўртасидаги режалаштирилган ҳамкорликка, жумладан, исроиллик сайёҳларнинг АҚШга визасиз кириш ҳаракатларига таъсир қилиши айтилган.
Америкалик мулозимларининг таъкидлашича, АҚШ Исроил фуқаролари томонидан фаластинликларга нисбатан зўравонлик кўрсатилишидан жуда хавотирда. АҚШ манбалари Исроил хавфсизлик хизматлари миллатчилик жиноятларини тўхтатмаётгани, айбдорлар жавобгарликка тортилмаётгани, ҳукмрон коалиция ва вазирлар маҳкамасининг баъзи аъзолари фаластинликларга қарши зўравонликни қўллаб-қувватлаш сифатида талқин қилиниши мумкин бўлган баёнотлар берганини айтди.
Изоҳ (0)