Kaliforniya janubida sayyohlik mavsumi boshlanishi bilan mehmonxona ishchilarining ommaviy ish tashlashlari bo‘lib o‘tdi. 60 dan ortiq mehmonxonaning 15 ming nafar xodimi ish haqining oshirilishi va qo‘shimcha imtiyozlarni talab qilmoqda.
Ish tashlashlarda oshpazlar, xizmatkorlar, idish yuvuvchilar, ofitsiantlar, resepshn xodimlari ishtirok etmoqda. Hozir ular soatiga 20-25 dollar maosh oladilar. Ularning talabi — ish haqini soatiga yana 5 dollarga ko‘tarishni, shuningdek, tibbiy yordamni yaxshilash, pensiya badallarini oshirish va ishdagi yuklamani kamaytirish.
Kasaba uyushmasi Los-Anjelesda turar-joy narxining oshishiga qarshi kurashish uchun “Mehmonxona ishchilarining uy-joy fondi”ni yaratishga intilmoqda. Hozirda ko‘plab xodimlar ish joyiga borish uchun bir necha soat sarflashga majbur bo‘lishmoqda, chunki ular mehmonxonaga yaqin joyda yashashga qodir emaslar.
40 dan ortiq mehmonxonalar koalitsiyasi rahbariyati muzokaralarda ishtirok etishdan bosh tortdi va ittifoqni turistik mavsum boshlanishidan oldin vaziyatni ataylab keskinlashtirganlikda aybladi. Kasaba uyushmasi ish tashlashni shtat tarixidagi eng yirik ish tashlash deb atadi.
Izoh (0)