Ukrainaning Lvov viloyatida 3D printer yordamida Yevropadagi birinchi maktab qurilmoqda. Bu haqda UNIAN xabar berdi.
Printer yordamida allaqachon ishlayotgan, lekin bolalar uchun tor bo‘lib qolgan yangi maktab binosi qad rostlamoqda. Binoda 100 nafar boshlang‘ich sinf o‘quvchisi tahsil olishi rejalashtirilgan.
Ukraina raqamli transformatsiya vaziri Mixail Fedorov texnologiya resurslardan aniqroq foydalanish va materiallar narxini pasaytirish imkonini berishini aytgan. Bosib chiqarish apparatini boshqarish uchun bor-yo‘g‘i uch kishidan iborat jamoa kerak bo‘ladi.
Bu texnologiya birinchi marta ta’lim muassasasi qurilishida qo‘llanilmoqda. Yangi obyekt 500 kvadrat metr maydonga ega bo‘ladi va 3D printer yordamida qurilgan dunyodagi eng katta bino bo‘ladi.
Bunday qurilish an’anaviy qurilishga qaraganda 20 foiz arzon va 10 barobar tezroq. Vazirning so‘zlariga ko‘ra, Ukrainani katta tiklanish kutmoqda, shuning uchun endi qurilishga texnologiya va innovatsiyalarni jalb qilish zarur.
Izoh (0)