Twitter’da rasm, video va GIF’larni bitta tvitda yuklash funksiyasi paydo bo‘ladi

Twitter Android va iOS’da matn, fotosuratlar, videolar va GIF’larni bitta tvitda birlashtirish imkonini beruvchi yangi xususiyatni taqdim etadi.

Bu xususiyatni birinchi marta tekshiruvchi-muhandis Alessandro Paluzzi aprel oyida payqagan, keyinroq Twitter iyul oyida multimedia postlari ustida ishlayotganini tasdiqlagan. Ilgari har bir tvitda faqat bitta media bo‘lagini ko‘rish mumkin edi.

Funksiya ishga tushirilmoqda, turli xil media tasvirlarni yuklash, chop etish mumkin bo‘ladi. Foydalanuvchining rasm, video yoki GIF qo‘shishiga qarab kontent yonma-yon yoki panjara shaklida ko‘rsatiladi.

Hatto Ilon Maskning Twitter’ni sotib olishi bilan bog‘liq voqealarga qaramay, platforma yangi xususiyatlarni ishlab chiqarishni to‘xtatmagan. U yaqinda iOS’da “immersiv” to‘liq ekranli videolarni va “Kashf etish” yorlig‘i orqali kirishingiz mumkin bo‘lgan cheksiz video oqimini ishga tushirdi.

Twitter, shuningdek, Kanada, Avstraliya va Yangi Zelandiyadagi Blue obunachilariga o‘z tvitlarini tahrirlash imkoniyatini berishni boshladi va tvitlarga Status nishonlarini biriktirish imkoniyatini sinab ko‘rmoqda.