Bloomberg агентлигининг прогнозларига кўра, июнь ойида Хитойда енгил автомобиллар савдоси ўтган йилнинг июнига нисбатан 5,9 фоизга камайиши ва 1,83 миллион донани ташкил қилиши мумкин. Таҳлилчилар буни иқтисодиёт ўсишининг секинлашуви шароитида талабнинг камайгани билан изоҳламоқда.
Ўтган ҳафтада Американинг Goldman Sachs инвестиция банки таҳлилчилари Хитой иқтисодиётининг 2023 ва 2024 йилларда ўсиш прогнозини мос равишда 6 фоиздан 5,4 фоизга ва 4,6 фоиздан 4,5 фоизга пасайишини прогноз қилди.
Аввалроқ Швейцариянинг UBS банки ва Американинг JPMorgan Chase ҳамда Bank of America таҳлилчилари Хитой ялпи ички маҳсулотининг жорий йилдаги динамикаси бўйича ўз прогнозларини пасайиш томон ўзгартиришганди.
Хитой ҳукуматининг прогнозларига кўра, бу йил мамлакат ялпи ички маҳсулоти 5 фоизга ўсади.
Хитой автомобиллар ассоциацияси маълумотларига кўра, жорий йилнинг дастлабки беш ойида Хитойда автомобиль савдоси ўтган йилнинг шу даврига нисбатан 4,2 фоизга ошган.
Мутахассислар кучли рақобат туфайли айрим автомобиль моделлари нархлари 40 фоизга пасайгани ва талабни рағбатлантириш мақсадида давлат томонидан автомобиль сотиб олаётганда турли имтиёзлар берилаётганини ҳисобга олиб, бундай динамикани жуда “камтарона” деб ҳисобламоқда.
Изоҳ (0)