Britaniya Rossiyaning to‘satdan qulashi ssenariysiga tayyorgarlik ko‘rmoqchi — The Times

Buyuk Britaniya Rossiyaning ehtimoliy qulashiga tayyorgarlik ko‘rmoqchi. Bu haqda The Times xabar berdi.

Londonda Vladimir Putinning 2022-yil 24-fevralda hujum boshlash haqidagi qarori Rossiya uchun inqiroz va harbiy-siyosiy falokatga aylanishi mumkinligi taxmin qilingandi.

“Biz kutishimiz va keyin nima bo‘lishini kuzatishimiz kerak. Bu biror yangilikning ‘1-bobi’ bo‘lishi mumkin”, — deydi gazeta suhbatdoshi. 

Buyuk Britaniya g‘aznachiligi bosh kotibi Jon Glen Rossiyadagi voqealar “uning ichki ishi” ekanini aytdi.

Britaniyaning Moskvadagi sobiq harbiy attashesi Jon Forman Prigojinning muvaffaqiyatli isyoni eng yomon ssenariy bo‘lardi, deb hisoblaydi, chunki “Vagner” rahbari uchun liberal qadriyatlar mutlaqo begona.

Formenning ta’kidlashicha, G‘arb diplomatlari Rossiyada inqiroz bo‘lishini kutmagan va Prigojinning isyoni ham ular uchun kutilmagan holat edi.

“Biz bularning barchasi asta-sekin sodir bo‘ladi deb o‘ylagandik. Kutilmagan ‘Moskvaga marsh’ haqida gap bo‘lmagan”, — dedi u.

Nashrning ba’zi suhbatdoshlari Putin hali ham o‘z lavozimini saqlab qolmoqda, demak, uni past baholamaslik kerak, degan fikrni bildirdi.