Ijtimoiy tarmoqlarda Shavkat Umurzoqovning poraxo‘r xodimi qamalgani haqida turli xabarlar tarqaldi. Poytaxt hokimligi axborot xizmati mazkur xabarlarni inkor etdi.
Toshkent shahar hokimligining qurilish bo‘yicha bo‘lim boshlig‘i Lutfulla Almanov Prokuratura qoshidagi Iqtisodiy jinoyatlarga qarshi kurashish departamenti tomonidan hibsga olingani aytilgan. Hokimlik matbuot xizmatining ma‘lum qilishicha, Lutfulla Almanov Toshkent shahar hokimligida emas, balki Uchtepa tuman hokimligida tuman hokimining uy-joy kommunal xizmat ko‘rsatish va obodonlashtirish masalalari bo‘yicha o‘rinbosari lavozimida 2019-yilning 27-iyunidan 2021-yil 24-noyabr kuniga qadar ishlagan. Ya‘ni Toshkent shahar hokimligida umuman ishlamagan va bundan qariyb ikki yil oldin muvofiq qaror bilan hokimlik tizimidan bo‘shab ketgan.
“Toshkent shahar hokimligi va hokim v.b. Shavkat Umurzoqovga tegishli bo‘lgan barcha iddaolari yolg‘on va haqiqatga to‘g‘ri kelmaydi”, — deyiladi hokimlik xabarida.
Izoh (0)