Uzbekistan Airways 27, 28, 30-iyun va 2-iyul kunlari qo‘shimcha aviaqatnovlar yo‘lga qo‘yadi. Bu haqda aviakompaniya axborot xizmati ma’lum qildi.
Yangilangan jadvalga ko‘ra, 27-iyun kuni Toshkent–Urganch–Toshkent, Toshkent–Nukus–Toshkent, Toshkent–Termiz–Toshkent yo‘nalishlarida qo‘shimcha parvozlar amalga oshiriladi.
28-iyun kuni esa Toshkent–Termiz–Toshkent, 30-iyun kuni esa Toshkent–Urganch–Toshkent yo‘nalishida qo‘shimcha qatnov bajarilishi rejalashtirilmoqda.
Shuningdek, 2-iyul kuni Toshkent–Buxoro–Toshkent yo‘nalishi bo‘yicha qo‘shimcha aviaqatnov amalga oshiriladi.
Avvalroq “O‘ztemiryo‘lyo‘lovchi” 28-iyun kuni Qurbon hayiti nishonlanishi munosabati bilan qo‘shimcha poyezd qatnovlari yo‘lga qo‘yilishini e’lon qilgandi.
Izoh (0)