Ижтимоий тармоқларда Шавкат Умурзоқовнинг порахўр ходими қамалгани ҳақида турли хабарлар тарқалди. Пойтахт ҳокимлиги ахборот хизмати мазкур хабарларни инкор этди.
Тошкент шаҳар ҳокимлигининг қурилиш бўйича бўлим бошлиғи Лутфулла Алманов Прокуратура қошидаги Иқтисодий жиноятларга қарши курашиш департаменти томонидан ҳибсга олингани айтилган. Ҳокимлик матбуот хизматининг маълум қилишича, Лутфулла Алманов Тошкент шаҳар ҳокимлигида эмас, балки Учтепа туман ҳокимлигида туман ҳокимининг уй-жой коммунал хизмат кўрсатиш ва ободонлаштириш масалалари бўйича ўринбосари лавозимида 2019 йилнинг 27 июнидан 2021 йил 24 ноябрь кунига қадар ишлаган. Яъни Тошкент шаҳар ҳокимлигида умуман ишламаган ва бундан қарийб икки йил олдин мувофиқ қарор билан ҳокимлик тизимидан бўшаб кетган.
“Тошкент шаҳар ҳокимлиги ва ҳоким в.б. Шавкат Умурзоқовга тегишли бўлган барча иддаолари ёлғон ва ҳақиқатга тўғри келмайди”, — дейилади ҳокимлик хабарида.
Изоҳ (0)