Germaniya Federal statistika boshqarmasi ma’lumotlariga ko‘ra, 2022-yil oxiriga kelib Germaniyada aholi soni 84,4 million kishini tashkil qilgan.
O‘tgan yil davomida aholi soni 1,122 million kishiga (1,3 foizga) o‘sdi. Taqqoslash uchun: 2021-yilda Germaniyada aholi soni 82 ming kishiga (0,1 foizga) oshgan.
Aholi soni ko‘payishining asosiy sababi sifatida immigratsiya ko‘rsatilmoqda. O‘tgan yili sof immigratsiya (mamlakatga kelgan va chiqib ketganlar o‘rtasidagi farq) 1,455 million kishini tashkil etdi. Yana taqqoslash uchun: 2021-yilda sof immigratsiya 329 ming kishini tashkil qilgan.
Bunga, birinchi navbatda, Ukrainadan kelgan qochqinlar oqimi sabab bo‘lgan, deyiladi Federal statistika boshqarmasi xabarida.
Avvalgi yillardagi kabi 2022-yilda ham Germaniyada vafot etganlar soni tug‘ilganlarnikidan ko‘proq bo‘ldi.
Mamlakatda o‘limlar soni qariyb 20 yil davomida o‘sib bormoqda.
Izoh (0)