AQSHning sobiq prezidenti Donald Tramp Fox News telekanaliga bergan intervyusida Rossiya yetakchisi Vladimir Putin bilan uzoq vaqt muloqot qilmagan bo‘lsa-da, yaxshi va mustahkam munosabatlarga ega ekanligini aytib o‘tdi.
“Mening Putin bilan munosabatlarim juda yaxshi. U bilan anchadan beri gaplashmaganman, lekin Putin bilan munosabatlarim juda mustahkam”, — deydi siyosatchi.
Tramp, agar u AQSH prezidentligida qolganida, Putin Ukrainada urush boshlamagan bo‘lardi, deb taxmin qilgan.
Amerikalik siyosatchi, shuningdek, Rossiya prezidentiga agar u qurolli amaliyotlar boshlashga qaror qilsa, “jiddiy oqibatlar” bo‘lishini va bu falokatga aylanishini aytganini qo‘shimcha qildi.
“Putin mening gaplarimga ishonmadi. Aniqrog‘i, faqat 10 foiziga ishondi”, — dedi Tramp. AQSH sobiq prezidentining so‘zlariga ko‘ra, u bir kunda Moskva va Kiyevni kelishuvga olib kelishi mumkin.
Izoh (0)