Tarmoqlarda Surxondaryo viloyatining Bandixon tumani prokurori Soatmurod Mahmanov hududdagi mahalla raislarini haqorat qilgani, tilga olib bo‘lmas so‘zlar bilan “siylagani”ning audiosi tarqaldi.
Mazkur audiodan anglashilishicha, prokuror tumandagi MFY raislarini yig‘ib, soliq tushumlari bo‘yicha hisobot so‘ragan.
“Erkakmisan sen ham? Xotinchalish, itdan tarqalgan ekansan-da, bo‘lmasa odamning ishini qilarding-da. Bor, borib itga o‘xshab vovulla ko‘chada”, — deydi prokuror soliq tushumlarini eplolmagan raisga yuzlanar ekan.
Audioda prokuror bilan muloqot qilgan MFY raislari orasida ayol raislar ham borligi eshitiladi.
“O‘lsang, bugun ko‘mar edik”, — deydi prokuror yana bir raisni koyir ekan.
Prokuror yonida ko‘rinib turgan raislarning biriga “Itdan tarqaganmisan, odamdan tarqaganmisan?”, — deya savol beradi. Hamda “itvachcha”, deya haqorat qiladi.
“Daryo” prokurorning xatti-harakatiga Bosh prokuratura munosabatini bilish maqsadida axborot xizmati rahbari Hayot Shamsutdinov bilan bog‘landi.
Masʼul holat o‘rganilayotganini, tez orada o‘rganish natijalari haqida maʼlumot berishini bildirdi.
Izoh (1)
Ha mayli