Samarqand viloyati Bulung‘ur tumanida 10 ga yaqin manzarali daraxt kesib tashlangani aniqlangandi. Ekologiya, atrof-muhitni muhofaza qilish va iqlim o‘zgarishi vazirligi axborot xizmati holat yuzasidan qo'shimcha ma'lumot berdi.
![](/static/Risolat/az.jpg)
Unga ko‘ra, viloyat Ekologiya, atrof-muhitni muhofaza qilish va iqlim o‘zgarishi boshqarmasi ishchi guruhi tomonidan holat yuzasidan o‘rganish ishlari olib borildi. Natijada Bulung‘ur tumani hududidan o‘tuvchi Toshkent—Samarqand M-39-avtomagistral yo‘li yoqasida yashil belbog‘ (ixota) shaklida ekilgan qariyb 50-55 yillik 9 tup qayrag‘och daraxtlari kesib tashlangani ma’lum bo‘ldi.
Huquqbuzarlik oqibatida tabiatga 744 million 642 ming so‘m zarar keltirilgan. Daliliy ashyolar va tegishli hujjatlar to‘planib, huquqni muhofaza qiluvchi organlarga taqdim etildi.