Rossiyaning Samara viloyatida ish haqini ololmayotgan o‘zbekistonliklarga 5,6 ming dollar undirib berildi. Bu haqda Tashqi mehnat migratsiyasi agentligi axborot xizmati xabar berdi.
Unga ko‘ra, Samara viloyatidagi issiqxonalarning birida ishlayotgan fuqarolar hujjatlari va ish haqlarini undirishda yordam so‘rab Tashqi mehnat migratsiyasi agentligining mazkur hududdagi vakiliga murojaat qildi.
Ish beruvchi bilan o‘tkazilgan muzokaralar natijasida mehnat migrantlarining 462 ming rubl (5600 dollar) miqdoridagi ish haqi undirilib, hujjatlari olib berildi. Fuqarolar bilan uchrashuv o‘tkazilib, hujjatlarini ehtiyot qilishi va qonuniy ishlash zarurligi tushuntirildi.
Izoh (0)