Prezident ayrim toifadagi mashinalar uchun bojxona to‘lovlarini keskin kamaytirish bo‘yicha uzoq kutilgan qarorni imzoladi.
Shavkat Mirziyoyev “Aholining yengil avtotransport vositalariga bo‘lgan ehtiyojini qondirish bo‘yicha qo‘shimcha chora-tadbirlar to‘g‘risida”gi qarorni imzoladi. Qarorga ko‘ra, ishlab chiqarilganiga 1 yildan oshmagan, dvigatel hajmi 1 200 sm kubdan yuqori bo‘lmagan yangi yengil avtotransport vositalari uchun (TN TIF kodi 8703 21 10, 8703 22 10 va 8703 31 10) 2026-yil 1-yanvarga qadar quyidagi bojxona boji stavkalari belgilanmoqda:
- 1 000 sm kubgacha — 0 foiz (amalda – 15 foiz + 0,4 AQSH doll/kub sm);
- 1 000–1 200 sm kub — 5 foiz (amalda – 15 foiz + 0,6 AQSH doll/kub sm).
Natijada dvigatel hajmi 1 000 sm kubgacha bo‘lgan avtomobillar uchun bojxona to‘lovlarining jami miqdori amaldagi 39–43 foizdan 19–23 foizgacha, dvigatel hajmi 1 000–1 200 sm kub bo‘lgan avtomobillar uchun esa 44–52 foizdan 30–36 foizgacha kamayadi.
Yangi qaror narxga qanday taʼsir qiladi?
Prezident qarori asosida dvigatel hajmi 1200 sm kubgacha bo‘lgan avtomobillar uchun bojxona stavkalari keskin kamaytirilgani, 1000 sm kubgacha bo‘lganlariga esa 0 foizga tushirilgani narxlarga qanday taʼsir qiladi? Bu aniq misollar bilan ko‘rib chiqildi.
1 000 sm kub hajmli avtomobil uchun
Ushbu toifaga kiruvchi bozor narxi 10 ming AQSH dollari bo‘lgan avtomobil misol sifatida olingan. Bunda quyidagi majburiy to‘lovlar mavjud:
Bojxona boji
- Avval: 1 900 AQSH dollari (15 foiz + 0,4 AQSH doll/kub sm).
- Hozir: 0 AQSH dollari (0 foizga tushirildi).
Farq: 1 900 AQSH dollar
QQS (12%)
- Avval: 1 428 dollar (bojxona boji qo‘shilgach hisoblangan)
- Hozir: 1 200 dollar
Farq: 228 dollar
- Utilizatsiya yig‘imi (bazaviy stavkaning 30 baravari) taxminan 846 dollar (9 mln 900 ming so‘m)
- Bojxona yig‘imi (0,2%) taxminan 20 dollar
YAKUNIY NARX:
- Avval: 14 ming 194 dollar
- Hozir: 12 ming 066 dollar
Farq: 2 ming 128 dollar
Dvigatel hajmi 1 000 sm kubgacha, narxi 10 ming AQSH dollari bo‘lgan avtomobil uchun to‘lanadigan majburiy to‘lovlar taxminan 2 ming 128 AQSH dollariga arzonlaydi (ushbu hisob-kitoblarda logistika narxi hisobga olinmagan).
Izoh (1)
кабул килинган хужжат факат Спарк ва Матиз класидаги автомашиналарни олиб кириш билан боглик божхона туловлари тугрисида. Электрокарла олиб кириш билан боглик божхона туловларини кескин даражада кискартириш керак эди. Экологик тоза технологияларни киришини стимул килиш ва енгиллаштириш буйича карор кабул килиш актуал эди. Бу карор манимча умуман актуал эмас.