Osiyo infratuzilma investitsiyalari banki va Islom taraqqiyot banki Surxondaryoda elektr stansiyasi qurish uchun davlat kafolatisiz 325 mln yevro investitsiya kiritmoqda, deb xabar berdi Energetika vazirligi matbuot xizmati.
Qayd etilishicha, 14-iyun kuni Osiyo infratuzilma investitsiyalari banki Surxondaryoda 1560 MVt quvvatga ega bo‘lgan bug‘-gaz elektr stansiyasini qurish uchun 225 million yevro ajratishini e’lon qildi.
“A” kategoriyasiga kiruvchi mazkur loyiha 2022-yilning aprelida ishlab chiqilgan bo‘lib, shu yil 17-mayda so‘nggi baholash ishlari olib borilgandi.
Loyiha Surxondaryo viloyatining Angor tumanida, “Uchqizil” suv omborining shimoli-sharqida joylashgan hududda amalga oshiriladi.
Loyihadan ko‘zlangan asosiy maqsad esa O‘zbekiston energetika sektorini karbonsizlashtirish strategiyasiga muvofiq, yuqori samarador elektr energiyasini ishlab chiqarish quvvatlarini oshirishdan iboratdir.
Shuningdek, Islom taraqqiyot banki ham ayni shu maqsadlar uchun 100 million yevro miqdorida mablag‘ ajratmoqda.
“Ahamiyatlisi shundaki, bu investitsiyalar O‘zbekiston iqtisodiyotiga davlatning hech bir kafolatisiz yo‘naltirilishi mo‘ljallangan”, — deyiladi vazirlik xabarida.
Izoh (0)