OAV xodimlariga 13-iyun kuni AQSHning sobiq prezidenti Donald Trampga nisbatan ayblov eʼlon qilinishi kutilayotgan sud binosiga mobil telefonlar va boshqa elektron qurilmalar olib kirish taqiqlanadi, deb xabar bermoqda NBC News.
“Muxbirlar va boshqa ommaviy axborot vositalari xodimlariga AQSHning Mayamidagi sud binosida barcha turdagi uyali telefonlar va elektron jihozlardan foydalanish taqiqlanadi”, — deyiladi AQSH okrugi bosh sudyasi Sesiliya Altonaganing qarorida.
Shu bilan birga, federal sud sudyasi Jon Gudman jurnalistlar koalitsiyasining “sud jarayoniga qadar sud zalida va/yoki tashqi koridorda cheklangan miqdordagi fotosuratlar va video yozuvlarga ruxsat berish” bo‘yicha so'rovini rad etdi.
Uning so‘zlariga ko‘ra, “fotosuratga olish uchun ruxsat tinglov davomida ko‘riladigan keng qamrovli xavfsizlik choralariga putur yetkazadi”.
Izoh (0)