Kaxovka GESning portlashi global oziq-ovqat narxi oshishiga olib keladi — BMT

BMT Bosh kotibining gumanitar masalalar bo‘yicha o‘rinbosari va favqulodda yordam koordinatori Martin Griffits Kaxovka GESning vayron bo‘lishi jahon oziq-ovqat xavfsizligiga jiddiy ta’sir ko‘rsatishi va oziq-ovqat narxining oshishiga olib kelishini aytdi. Bu haqda Reuters xabar berdi.

“Qora dengiz va Qrimga tushadigan bu hududning barchasi nafaqat Ukraina, balki butun dunyo uchun don omboridir. Bizda oziq-ovqat xavfsizligi bilan bog‘liq muammolar allaqachon mavjud, ammo oziq-ovqat narxlari ko‘tarilishiga men ishonaman”, — dedi Griffits.

U keyingi hosilni yig‘ish va ekish bilan bog‘liq muammolar kuzatilishi muqarrar ekanini bildirdi. 

“Chunki to‘gondagi portlash global oziq-ovqat xavfsizligiga katta ta’sir qilishini ko‘ramiz. Bu sodir bo‘ladi”, — dedi u

Shuningdek, Griffits 700 mingga yaqin odam ichimlik suvi uchun to‘g‘on orqasidagi suv omboriga ehtiyojmand ekanini aytdi.

“Toza suv bo‘lmasa, mahalliy aholi kasalliklarga moyil bo‘ladi va bolalar bunda eng zaif qatlam”, — dedi u.

Uning so‘zlariga ko‘ra, fuqarolik infratuzilmasiga bunday kattalikdagi zarar yetkazilishi xalqaro gumanitar huquqqa, jumladan, Jeneva konvensiyalariga “butunlay ziddir”.

“Kaxovka GESni portlatgan Jeneva konvensiyalarini buzgani aniq”, — deya xulosa qildi.