Corriere della Sera gazetasi jurnalistlari yaqinda vafot etgan Italiyaning sobiq bosh vaziri Silvio Berluskoni qoldirgan merosni hisoblab chiqdi.
Italiya nashrining yozishicha, siyosatchining merosi deyarli 5 milliard yevroga baholanmoqda, bu meros uning 5 farzandi va 16 nabirasiga o‘tadi.
Mablag‘larning asosiy ulushi 4,89 milliard yevroga baholangan Fininvest oilaviy xoldingiga to‘g‘ri keladi.
Uning tarkibiga Mediaset TV kompaniyasining 50 foizi va Mondadori nashriyotining 53 foizi, shuningdek, Mediolanum banki kiradi. Beshta bolaning har biri 7,65 foizga egalik qiladi, 61,3 foizi esa Berluskonining o‘ziga tegishli edi.
Berluskoni shuningdek, mamlakat bo‘ylab o‘ndan ortiq villalari, Rim va Milanda kvartiralari va boshqa mulklari, avtomobillari va yaxtalariga ega. Bundan tashqari, u A Seriyada o‘ynagan “Monza” futbol klubiga egalik qilgan.
Izoh (0)