Ukraina mudofaa vaziri Aleksey Reznikov keng ko‘lamli urush boshida g‘arblik hamkorlar Ukrainaning g‘alabasiga ishonmagan va qurol so‘rovlariga “xandaq qazish” tavsiyalari bilan javob qaytarganini esladi. Bu haqda Foreign Affairs xabar berdi.
“Biz so‘radik: Stinger (Amerikaning portativ zenit-raketa majmuasi) berasizlarmi? Yo‘q, xandaqlar qazing va hamma narsa tugaguncha iloji boricha ko‘proq ruslarni o‘ldiring, deb javob berishdi. Odamlar bizning g‘alabamizni imkonsiz deb o‘ylashdi”, — deydi u.
Raznikovga ko‘ra, AQSH, Yevropa davlatlari va boshqa hamkor davlatlar Ukraina qo‘shinlari qarshilik ko‘rsatib, jangni davom ettirayotganini ko‘rganlarida vaziyat o‘zgargan.
“Endi Ukrainada Amerikaning Bradley va Stryker piyoda jangovar mashinalari, Amerikaning Abrams tanklari, nemis leopardlari va yana ko‘p texnikalar bor”, — dedi Reznikov.
Izoh (0)