Ukraina Tashqi ishlar vazirligi matbuot kotibi Oleg Nikolenkoning bayonotida aytilishicha, Kiyev Indoneziyaning bahsli hududlarda referendumlar o‘tkazishni o‘z ichiga olgan tinchlik rejasini qat’iyan rad etadi.
“Biz Indoneziyaning Ukrainada tinchlik o‘rnatish masalasiga qaratayotgan e’tiborini qadrlaymiz. Shu bilan birga, u yerda referendum o‘tkazish uchun Ukraina va Rossiya Federatsiyasi o‘rtasida bahsli hududlar yo‘q”, — deb yozdi u o‘zining Facebook sahifasida.
Nikolenkoning fikricha, Ukraina xalqaro tan olingan chegaralar doirasida hududiy yaxlitligini tiklashi kerak. Uning ta’kidlashicha, o‘t ochishni to‘xtatish, 15 kilometr masofada kuchlarni joylashtirish va qurolsizlantirilgan hudud yaratish “ham ish bermaydi”. Shunga asoslanib, tashqi ishlar vaziri o‘rinbosari Indoneziyani Rossiyaning taslim bo‘lishini nazarda tutuvchi “Vladimir Zelenskiyning tinchlik formulasi”ga qo‘shilishga taklif qildi.
Izoh (0)