Kaspiy dengizining Qozog‘iston tomondagi suvi qora tusga kirdi. Ijtimoiy tarmoqlarda buni tasdiqlovchi video paydo bo‘ldi. Kadrlarda noodatiy rangdagi suv aniq aks ettirilgan, deb yozadi “Daryo”ning Qozog‘istondagi muxbiri.
Video tasvirga olingan joy yaqinida ishlab chiqarish korxonalari mavjud emas. Ekologlar hech qanday qoidabuzarlikni aniqlamadi.
“Oddiy ko‘z bilan ko‘rish mumkinki, bu tabiiy hodisa — loy cho‘kindilari bo‘lib, ular to‘lqinlarga qora rang beradi. Parchalanish natijasida yoqimsiz hid paydo bo‘ladi. Tegishli tozalash ishlarini olib borish uchun mahalliy ijro hokimiyatiga xat yubordik”, — dedi Mang‘istov viloyati ekologiya boshqarmasi boshlig‘i Ruslan Tukenov.
Talgat Satibaldi, Ostona
Izoh (0)