Rossiya davlat dumasi deputati Konstantin Zatulin Qozog‘istonni tanqid qilgani uchun respublikaga kiritilmadi. Bu haqda deputat matbuot xizmatiga tayanib, “Orda.kz” xabar berdi.
Ma’lum qilinishicha, Konstantin Zatulin Qozog‘istonga tashrifi istalmaganligi sababli mamlakatga kiritilmagan.
“Ba’zi qiyinchiliklar va Rossiya Tashqi ishlar vazirligining vaziyatga aralashuvidan so‘ng, muammo hal qilindi”, — dedi Zatulinning matbuot xizmati.
Zatulin 2022-yilning iyun oyida Qozog‘iston respublikasi prezidenti Qosim-Jo‘mart To‘qayevning Rossiya tomonidan bosib olingan Donetsk va Lugansk xalq respublikalarini tan olmasligi haqidagi bayonotiga munosabat bildirgandi.
Rossiyalik deputat “Rossiya ittifoqchilari hamkorlikka ‘shved stoli’dek munosabatda bo‘lishlarini aytgan — nimani yoqtirsa, o‘shani oladi, yoqtirmasa, olmaydi”.
“Aholisi asosan ruslar bo‘lgan bir qator viloyatlar, aholi punktlari Qozog‘iston deb atalishiga unchalik aloqasi yo‘q edi. Biz hamma joyda, shu jumladan Ukrainaga nisbatan ham aytamiz: agar bizda do‘stlik, hamkorlik va sheriklik bo‘lsa, hech qanday hududiy masala ko‘tarilmaydi. Agar bunday bo‘lmasa, Ukraina misolida bo‘lgani kabi, hamma narsa bo‘lishi mumkin”, — degan edi Zatulin.
Sentabr oyida “Moskovskiy komsomolets” nashriga bergan intervyusida Zatulin qozoq banklarining Mir kartalari bilan ishlashdan bosh tortishi haqida fikr bildirgandi. Uning so‘zlariga ko‘ra, mamlakat G‘arb sanksiyalariga e’tibor qaratib “katta tavakkal” qilmoqda.
Qozog‘iston parlamentida rossiyalik deputatning bayonoti “nodo‘stona” va “provokatsion” deb baholangan.
Izoh (0)