Каспий денгизининг Қозоғистон томондаги суви қора тусга кирди. Ижтимоий тармоқларда буни тасдиқловчи видео пайдо бўлди. Кадрларда ноодатий рангдаги сув аниқ акс эттирилган, деб ёзади “Дарё”нинг Қозоғистондаги мухбири.
Видео тасвирга олинган жой яқинида ишлаб чиқариш корхоналари мавжуд эмас. Экологлар ҳеч қандай қоидабузарликни аниқламади.
“Оддий кўз билан кўриш мумкинки, бу табиий ҳодиса — лой чўкиндилари бўлиб, улар тўлқинларга қора ранг беради. Парчаланиш натижасида ёқимсиз ҳид пайдо бўлади. Тегишли тозалаш ишларини олиб бориш учун маҳаллий ижро ҳокимиятига хат юбордик”, — деди Манғистов вилояти экология бошқармаси бошлиғи Руслан Тукенов.
Талгат Сатибалди, Остона
Изоҳ (0)