Tabiat resurslari vazirligining ekologik nazorat inspeksiyasi va tuman bo‘limi xodimlari tomonidan navbatdagi reyd tadbiri o‘tkazildi, deb xabar beradi vazirlik matbuot xizmati.
.jpg)
Reyd davomida fuqaro A.T. Toshkent shahri Yunusobod tumanida O‘zbekiston Qizil kitobiga kiritilgan ikki dona laylak va ikkita lochin qushi bolalarini noqonuniy sotmoqchi bo‘lgani aniqlangan.
Noqonuniy olib kelingan qush bolalari yosh va qarovga muhtoj bo‘lgani, tabiatda yashab keta olmasligi sababli Toshkent hayvonot bog‘iga reabilitatsiya uchun belgilangan tartibda topshirilgan.
Ta’kidlanishicha, bu kabi holatlarda Ma’muriy javobgarlik to‘g‘risidagi kodeksning 92-moddasi 2-qismi bilan maʼmuriy bayonnoma rasmiylashtiriladi. Bunday huquqbuzarlik baʼzaviy hisoblash miqdorining 10 barobari — 3,3 million so‘m jarimaga sabab bo‘ladi.
Aprel oxirlarida Surxondaryoda xorijlik ovchi Qizil kitobga kiritilgan echkini ovlagani yuzasidan izoh berilgan, Qashqadaryoda esa Qizil kitobga kiritilgan ayiq otib o‘ldirilgani yuzasidan jinoyat ishi qo‘zg‘atilgani edi.
Izoh (0)