Табиат ресурслари вазирлигининг экологик назорат инспекцияси ва туман бўлими ходимлари томонидан навбатдаги рейд тадбири ўтказилди, деб хабар беради вазирлик матбуот хизмати.
.jpg)
Рейд давомида фуқаро А.Т. Тошкент шаҳри Юнусобод туманида Ўзбекистон Қизил китобига киритилган икки дона лайлак ва иккита лочин қуши болаларини ноқонуний сотмоқчи бўлгани аниқланган.
Ноқонуний олиб келинган қуш болалари ёш ва қаровга муҳтож бўлгани, табиатда яшаб кета олмаслиги сабабли Тошкент ҳайвонот боғига реабилитация учун белгиланган тартибда топширилган.
Таъкидланишича, бу каби ҳолатларда Маъмурий жавобгарлик тўғрисидаги кодекснинг 92-моддаси 2-қисми билан маъмурий баённома расмийлаштирилади. Бундай ҳуқуқбузарлик баъзавий ҳисоблаш миқдорининг 10 баробари — 3,3 миллион сўм жаримага сабаб бўлади.
Апрель охирларида Сурхондарёда хорижлик овчи Қизил китобга киритилган эчкини овлагани юзасидан изоҳ берилган, Қашқадарёда эса Қизил китобга киритилган айиқ отиб ўлдирилгани юзасидан жиноят иши қўзғатилгани эди.
Изоҳ (0)