Buxoro viloyatining Kogon tumanida futbol o‘yini vaqtida yuz bergan janjal bir kishining o‘limi bilan yakunlandi. Bu haqda viloyat IIB matbuot xizmati xabar berdi.
Ma’lum qilinishicha, 29-may kuni soat 22:30 larda Kogon tumani “Sorg‘un” mahallasida yashovchi, 2002-yilda tug‘ilgan A.L. ismli shaxs tumanning “B.Naqshband” mahallasi Kulolon qishlog‘ida joylashgan mini futbol maydonchasida o‘zaro futbol o‘yini vaqtida mahalladoshi, 1996-yilda tug‘ilgan H.O. ismli tanishi bilan janjallashgan.
Janjal vaqtida uning yuz sohasi va tanasining duch kelgan joyiga urib, tepib, sud tibbiy ekspertizasining xulosasiga ko‘ra, og‘ir tan jarohati yetkazgan. Oqibatda jabrlangan fuqaro olgan tan jarohati natijasida voqea joyida vafot etgan.
Mazkur holat yuzasidan tuman IIB tomonidan A.L.ga nisbatan Jinoyat kodeksining 104-moddasi 3-qismi “d” bandi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)