Qashqadaryo viloyatining Chiroqchi tumanidagi qishloqda paydo bo‘lgan ayiq otib o‘ldirilgani haqida xabar berilgan edi. Bosh prokuratura holat yuzasidan jinoyat ishi qo‘zg‘atilganini maʼlum qildi.
Xabarga ko‘ra, Chiroqchi tumanida Qizil kitobga kiritilgan Tyanshan qo‘ng‘ir ayig‘i otib o‘ldirilgani yuzasidan Jinoyat kodeksining 202-moddasi (hayvonot yoki o‘simlik dunyosidan foydalanish tartibini buzish) 3-qismi “j” bandi bilan jinoyat ishi qo‘zg‘atildi. Tergov harakatlari olib borilmoqda.
5-aprel kuni taxminan soat 23:00 larda ayiq Qumdaryoga yaqin joydagi jarlikda hosil bo‘lgan g‘or ichiga kirib olgandan so‘ng bu yerda mahalliy aholi to‘plangan. Mahalliy hokimlik vakillaridan iborat ishchi guruh tomonidan o‘z vaqtida tegishli chora-tadbirlar ko‘rilmagani bois ayiq bezovtalanib, jarlikdan tepaga chiqishga uringan.
Shundan so‘ng Chiroqchi tumani IIB boshlig‘i A.B. atrofga yig‘ilgan aholi xavfsizligini taʼminlash maqsadida ovchi D.A.ga ayiqqa o‘q uzishga ko‘rsatma bergan. Natijada ayiqning joni uzilgan. Toshkent hayvonot bog‘i vakillari hodisa joyiga yetib borganida ayiq nobud bo‘lgan edi.
Shuningdek, “Daryo” muxbiri ayiq oralagan qishloqqa borib, yovvoyi hayvon bilan bog‘liq voqealar tafsilotini o‘rgangan edi.
Izoh (1)
Qoyil qolmasdan iloj yo‘q ayiqni o‘ldirganga jinoyat ishi qo‘zg‘atilarmush agar odamlaga tashlanib odamlarni o‘ldirganda nega ayiqni o‘ldirmadingla o‘ldirmaganlariz uchun jinoyat qo‘zg‘atamiz silarga desa ajablanmasdim