Surxondaryo viloyatida faoliyat yurituvchi shifokorlar bemorlar uchun yozilgan dorilar qutisidagi etiketka qismini yulib olib, shu dorini ishlab chiqaruvchilarga sotayotgani aytilmoqda. Bu haqda “Daryo”ga ma’lumot bergan manba holat Surxondaryo viloyatining Denov tumanida sodir bo‘layotganini bildirgan.
“Bular shunaqa qilib, dori yozadi va etiketkasini yulib olib sotyapti. Bularga chora ko‘radigan yo‘qmi? Deputatlar nima qilyapsizlar?”, — deydi bu haqda jamoatchilikka maʼlumot bergan kishi.
Videoga olgan shaxs maʼlumot beruvchidan bu dorilarning umuman foydasi yo‘qmi, deya so‘raydi.
“Bu dorilarning umuman foydasi yo‘q. Odamlar o‘lib ketsa ham, o‘ladigan kasallarga ham shu dorilarni yozishyapti. Shifokorlar esa bu dorilar etiketkasini sotish uchun yig‘yapti”, — deydi u.
Maʼlumot beruvchi dori ishlab chiqaruvchilar ampula shishasini 25 ming so‘mdan sotib olayotganini qo‘shimcha qiladi.
“Bu ampulaning odamga umuman foydasi yo‘q. Lekin shifokorlar yozyapti, bemorlar olyapti. Bu ampula shishasi esa ishlab chiqaruvchilarga 25 ming so‘mdan sotilyapti. Dori ishlab chiqaruvchi firmalarning menejerlari 10 million so‘mdan oylik olyapti”, — deydi videoda chiqish qilgan fuqaro.
Izoh (2)
бу нима деб тушиниш керак, чунки буни тагида миллионлаб доллар пуллар етибди ,вазирлар,уларни уринбосарлари бошкаради бу нарсани,факат сурхондаре эмас узбекистон буйича медицина ичидаги бизнеску ,бу хакда профессор зафарбой ибодуллаев сайтида зур килиб тушинтириб куйган
10 дакика олдин изохларни укиган эдим кайтиб кирсам хаммаси учирилган,