Oliy sud Toshkent davlat iqtisodiyot universiteti talabasi, 21 yoshli U.J.ga Telegram guruhda diniy mazmundagi nashida tarqatgani uchun 3 yilga ozodlikdan mahrum qilish jazosi tayinlangani haqida xabar bergandi. Mazkur talabaning advokati murojaat bilan chiqdi.
Unga ko‘ra, himoya sud hukmi bilan butunlay kelishmaydi. U.J.ning harakatlarida qonun chiqaruvchi belgilaganidek, Jinoyat kodeksining 244-1-moddasi 3-qismida “g” bandida nazarda tutilgan jinoyat tarkibi mavjudligi ko‘rinmayapti.
Ayni paytda Jahongirga nisbatan jinoyat ishlari bo‘yicha Oqqo‘rg‘on tuman sudining 2023-yil 8-maydagi hukmiga appelyatsiya shikoyati berilgan.
“Shu o‘rinda, TikTok ijtimoiy tarmog‘idagi yoshlar tomonidan yo‘lga qo‘yilgan chellenjlar esa uning ziyoniga ishlashi mumkinligidan kelib chiqib, chellenjni ommalashtirayotgan yoshlarni buni to‘xtatishga chaqiramiz”, deya murojaat qilgan advokat.
Holat jamoatchilik faollari tomonidan ko‘plab e’tirozlarga sabab bo‘lgach, Toshkent viloyati IIBB yigit diniy materiallar mazmunini to‘liq anglagan holda tarqatganini, bunday harakat O‘zbekiston hududida jamoat xavfsizligiga tahdid soluvchi ijtimoiy xavfli qilmish sifatida baholanib, tergov idoralari tomonidan uning harakatlari to‘g‘ri malakalanganini bildirgandi.
19-may kuni Din ishlari bo‘yicha qo‘mita O‘zbekistonda taqiqlangan materiallar ro‘yxatini e’lon qildi.
Izoh (0)