Олий суд Тошкент давлат иқтисодиёт университети талабаси, 21 ёшли У.Ж.га Telegram гуруҳда диний мазмундаги нашида тарқатгани учун 3 йилга озодликдан маҳрум қилиш жазоси тайинлангани ҳақида хабар берганди. Мазкур талабанинг адвокати мурожаат билан чиқди.
Унга кўра, ҳимоя суд ҳукми билан бутунлай келишмайди. У.Ж.нинг ҳаракатларида қонун чиқарувчи белгилаганидек, Жиноят кодексининг 244-1-моддаси 3-қисмида “г” бандида назарда тутилган жиноят таркиби мавжудлиги кўринмаяпти.
Айни пайтда Жаҳонгирга нисбатан жиноят ишлари бўйича Оққўрғон туман судининг 2023 йил 8 майдаги ҳукмига аппеляция шикояти берилган.
“Шу ўринда, TikTok ижтимоий тармоғидаги ёшлар томонидан йўлга қўйилган челленжлар эса унинг зиёнига ишлаши мумкинлигидан келиб чиқиб, челленжни оммалаштираётган ёшларни буни тўхтатишга чақирамиз”, дея мурожаат қилган адвокат.
Ҳолат жамоатчилик фаоллари томонидан кўплаб эътирозларга сабаб бўлгач, Тошкент вилояти ИИББ йигит диний материаллар мазмунини тўлиқ англаган ҳолда тарқатганини, бундай ҳаракат Ўзбекистон ҳудудида жамоат хавфсизлигига таҳдид солувчи ижтимоий хавфли қилмиш сифатида баҳоланиб, тергов идоралари томонидан унинг ҳаракатлари тўғри малакаланганини билдирганди.
19 май куни Дин ишлари бўйича қўмита Ўзбекистонда тақиқланган материаллар рўйхатини эълон қилди.
Изоҳ (0)