Turkiya prezidentligiga muxolifatdan nomzod Kamol Qilichdaro‘g‘li saylovda g‘alaba qozonsa, millionlab qochqinlarni mamlakatdan chiqarib yuborishini aytdi. Bu haqda uning nutqiga tayanib, CNN Turk xabar berdi.
“Saylansam, barcha qochqinlarni mamlakatiga qaytarib yuboraman”, — dedi siyosatchi.
Uning so‘zlariga ko‘ra, Turkiyada 10 millionga yaqin qochqin bor.
“Agar ular mamlakatda qolsa, 10 milliondan ortiq yangi ko‘chmanchilar Turkiyaga oqib keladi. Dollar kursi esa 30 liragacha ko‘tariladi (hozirda bir dollar turk lirasiga nisbatan 19,7 liraga teng)”, — deydi Qilichdaro‘g‘li.
Saylovlar haqida
14-may kuni Turkiyada prezidentlik va parlament saylovlari bo‘lib o‘tdi. Birinchi tur natijalariga ko‘ra, Erdo‘g‘on 49,51 foiz, Qilichdaro‘g‘li 44,88 foiz ovoz olgan. Birinchi turda g‘alaba qozonish uchun nomzodga 50 foizdan ko‘proq ovoz kerak edi, shuning uchun ovoz berishning ikkinchi bosqichi 28-may kuni bo‘lib o‘tadi.
Turkiya Markaziy saylov komissiyasi ma’lumotlariga ko‘ra, 14-may kuni bo‘lib o‘tgan saylovda ishtirok etganlar 88,92 foizni tashkil qilgan. Kuzatuvchilar ovoz berishning ikkinchi bosqichida ham saylovchilarning faolligini kutishmoqda.
Izoh (0)