Rossiya 2007-yilda Ukraina bostirib kirishga tayyorgarlik ko‘rishni boshlagan, shuning uchun hozirgi urushning bo‘lishi muqarrar edi. Bu haqda Ukraina razvedkasi rahbari Kirill Budanov maʼlum qildi.
Budanovning so‘zlariga ko‘ra, Ukrainaga bostirib kirishga tayyorgarlik o‘tgan o‘n yillikda boshlangan. 16 yil oldin Kremlning siyosiy rahbariyati bu haqda qaror qabul qilgan bo‘lishi mumkin.
2014-yilda Qrim yarim oroli va Donbassning bir qismi ishg‘ol qilinganida, Rossiya bu lahzani qo‘ldan boy bermaslikka qaror qildi, biroq boshqa ssenariylarda ham hech narsa o‘zgarmagan bo‘lardi, deydi Budanov.
“Rossiya 2007-yildan beri Ukrainaga qarshi agressiyaga faol tayyorgarlik ko‘rmoqda. 2014-yilda ular o‘zlari uchun qulay bo‘lgan paytdan unumli foydalandi. 2014-yilda hech qanday voqea bo‘lmaganida, bu hech narsani o‘zgartirmasdi. Urush bo‘lishi muqarrar edi”, — ta’kidladi Ukraina razvedkasi rahbari.
Izoh (0)