The Weeknd taxallusidan voz kechib, ijtimoiy tarmoqlarga haqiqiy ismini qaytardi

Kanadalik xonanda va aktyor The Weeknd taxallusidan voz kechib, o‘zining ijtimoiy tarmoqlardagi sahifalariga haqiqiy ismi  — Eybel Tesfayeni qayd etdi. Bu haqda “Pravila jizni” nashri xabar berdi. Shuningdek, uning fan-akkauntlari ham o‘z nomini o‘zgartirgan.

Aprel oyida xonanda Twitter’dagi kuzatuvchilaridan sahnaviy taxallusidan voz kechishi kerakligi haqida so‘ragan edi. Xonanda o‘shanda katartisni boshdan kechirayotgani hamda keyinchalik “qayta tug‘ilish” uchun “The Weeknd’ni tugatmoqchi” ekanligini aytgan edi. 

“Tinglovchiga The Weeknd sifatida aytadiganimni aytib bo‘ldim”, — degan edi xonanda. 

Avvalroq The Weeknd dunyodagi eng mashhur xonanda sifatida Ginnesning rekordlar kitobiga kiritilgan edi. Xonandaning qo‘shiqlari Spotify platformasida eng ko‘p tinglanadigan musiqalar hisoblanadi.