“Hukm” serialida bosh rolni ijro etgan aktyorlar — Kaan Urganjio‘g‘lu va Pinar Deniz o‘z qahramonlariga munosabati, serialning qiziqarli tafsilotlari va umuman turk kinosi haqidagi fikrlarini gapirib berdi.
“Hukm” turk kino olamida shu yilning asosiy seriallaridan biri bo‘lib, qotillikda gumon qilingan ukasini himoya qilish uchun yosh prokurorning advokat yollagani haqida hikoya qiladi. Asta-sekin ularning o‘rtasida his-tuyg‘ular paydo bo‘ladi va bu tergovni xavf ostiga qo‘yadi.
Loyihada prokuror rolini Kaan Urganjio‘g‘lu ijro etdi – u mashhur “Sevgi iztirobi” serialidagi rolidan so‘ng mashhurlikka erishdi, aktrisa Pinar Deniz esa advokat rolini o‘ynadi.
Aktyorlar o‘z intervyusida ssenariy yaxshi yozilganidan mamnun ekanini aytdi va juda qiziqarli syujetni va’da qilishdi.
“Ssenariyning yaxshi yozilgani menga yoqdi. Chunki hikoya haqiqatan ham tomoshabin e’tiborini tortadi, uning logikasi bilan o‘ynaydi va har bir epizod yakuni hayratga soladi”, — deydi aktyor.
Juftlik hikoyaning boshida ko‘plab intrigalarni yaratgan epizod ssenariysi haqida alohida fikr bildirgan. Buning ajablanarli joyi yo‘q, chunki serial Turkiyaning eng yaxshi kinostudiyalaridan biri — Ay Yapım tomonidan ishlab chiqarilgan, u avvalroq “Taqiqlangan sevgi” va “Menga qanday sevishimni ayt” loyihasini suratga olgan.
Juftlik qahramonlari haqidagi savollarga ham javob berdi. Kaan har kuni o‘z personaji haqida o‘ylashini aytdi, u sovuqqon prokurordan his-tuyg‘ular haqida ham o‘ylaydigan insonga aylanish tarixi va rivojlanishini hurmat qilishini ta’kidladi.
Pinar Deniz esa o‘z qahramoni boshqa qahramonlardan boshqacharoq va samimiyroq ekanini bildirib o‘tdi.
“Birinchidan, bu juda murakkab qahramon. Uni gavdalantirish juda qiziqarli, biroq tushunish qiyin. Chunki qahramonim oq yoki qora personaj emas, u butunlay kulrang”, — deydi aktrisa.
Aktrisaning qahramoni boshqa barcha insonlar kabi xato qiladi, his-tuyg‘ularini ochiq ko‘rsatmaydi, biroq ularning ichida yashaydi. Ba’zida insonlar uni yomon ko‘radi, ba’zida sevadi, ammo u doim haq bo‘ladi.
Uning personaji juda qiziq. Jeylin yosh, muvaffaqiyatga erishgan va juda prinsipial advokat. U o‘z mijozlarini oxirigacha himoya qilishga tayyor bo‘ladi, biroq prokuror Ilgazni sevib qolganidan keyin uning ishi o‘zgarib ketadi. Serial shu haqdagi voqealarni o‘z ichiga oladi.
Izoh (0)