12-may kuni Freddi Merkyuri obrazini gavdalantirgan va bu roli uchun “Oskar” mukofotini olgan aktyor Rami Malek 42 yoshni qarshi oldi. Kino olamidagi eng mashhur mukofotlardan biriga qo‘shimcha ravishda, bu rol Ramiga shaxsiy hayotida ham baxt keltirdi. Quyida aktyorning hayoti haqidagi qiziqarli ma’lumotlar va uning ishtirokidagi eng mashhur kinokartinalar haqida so‘z boradi.
Ko‘p millatli oila
Rami Malek ko‘p millatli oilada dunyoga kelgan. Uning ota-onasi Said Malek va Nelli Abdel-Malek 1978-yilda Misrdan AQSHga ko‘chib o‘tgan. O‘sha paytda juftlikning Yasmin ismli qizi bor edi va oradan to‘rt yil o‘tib ularning oilasida egizak farzandlar Rami va Sami dunyoga keldi. Malek oilasining a’zolari — koptlar (Misr nasroniylari).
Rami Malekning opasi tez yordam shifokori. Sami Malek Los-Anjelesdagi o‘rta maktab o‘qituvchisi. Rami Malek oila a’zolari bilan yaxshi munosabatda bo‘lishga harakat qiladi. “Oskar” mukofotini olgan aktyor onasini yaxshi ko‘rishi haqida gapirib bergan. Aktyorning onasi o‘g‘lining aktyorlik karyerasining boshida, u bilan birga kastingga borgan barcha ishtirokchilarga shirinliklar olib kelgan.
.jpg)
Aktyor salomatligi bilan bog‘liq kichkina muammoga duch kelsa ham darhol opasiga qo‘ng‘iroq qiladi. Rami ukasi bilan do‘st, ular tez-tez uchrashib, birga vaqt o‘tkazishadi.
Rami va Sami maktabga borishdan oldin faqat arab tilida gaplashishgan va birinchi sinfda ingliz tilini o‘rganishni boshlagan. Hozirgi kunda Rami Malek ingliz tilida ravon gapiradi, biroq u baribir arab tilida yaxshiroq so‘zlashadi.
Kasb tanlash masalasi
Rami Malekning ota-onasi o‘z farzandlarining ta’lim olishiga katta e’tibor berdi. Ular katta o‘g‘lini advokat yoki shifokor sifatida ko‘rmoqchi bo‘ldi. Rami bolaligida aktyor bo‘lishni orzu qilgan.
Rami yaqinlarining noroziligiga qaramay, Evansvil universitetiga qarashli kollejga o‘qishga kirdi, u yerda tasviriy san’atni o‘rgandi. Aktyor bo‘lish, talabalar teatri spektakllarida qatnashish orzusi uni tark etmadi. O‘g‘llari sahnada rol ijro etganini ko‘rgan ota-ona o‘z tanlovidan voz kechdi. Rami Malek 2003-yilda tasviriy san’at sohasi bo‘yicha bakalavr darajasini oldi.
Rami Malek ishtirokidagi eng yaxshi filmlar
Ko‘pgina aktyorlar singari Rami Malek ham kichik seriallarda epizodik, filmlarda kichik rollarni ijro etdi. Birinchi e’tiborga molik roli “Muzeydagi tun-2” komediyasida fir’avn obrazi edi.
Shundan keyin aktyorga omad kulib boqdi. 2010-yilda Rami Stiven Spilberg tomonidan suratga olingan “Tinch okeani” dramatik harbiy mini-serialida asosiy rollardan birini o‘ynadi. Kadr ortidagi ovozni o‘qigan Tom Xenks yosh aktyorning ijodidan shunchalik hayratda qolganki, u Malekni o‘zining prodyuserlik proyekti “Larri Kraun”ga taklif qilgan, ushbu loyihada bosh rolni Juliya Roberts ijro etgan.
Rejissor Sem Esmeyl “Janob robot” nomli mualliflik seriali uchun bosh rol ijrochisini qidirayotganida uning rafiqasi, aktrisa Emmi Rossum turmush o‘rtog‘ining e’tiborini “Tinch okeani” filmida suratga tushgan aktyor Ramiga qaratdi.
Shundan keyin Rami Malek dunyoni o‘zgartirishga qaror qilgan sotsiopatik xaker Elliot Alderson rolini ijro etdi. To‘rt mavsum davomida aktyor o‘z iste’dodining deyarli barcha qirralari va ko‘lamini namoyish etish imkoniyatiga ega bo‘ldi. Elliot roli uchun Rami bir nechta “Emmi” mukofotlariga sazovor bo‘lgan, shuningdek, “Dramatik serialdagi eng yaxshi aktyor” nominatsiyasida “Oltin globus” mukofotiga uch marta nomzod bo‘lgan.
Serial bilan parallel ravishda Rami Malek filmlarda ham suratga tushgan. Dastlab aktyor o‘sha davrning eng ko‘zga ko‘ringan loyihalaridan biri bu “Kapalak” dramasining remeykida, keyinchalik “Bogemacha raspodiya” loyihasida suratga tushdi.
“Lo‘lilar qo‘shig‘i” (“Bogemskaya rapsodiya”)
Aktyor “Lo‘lilar qo‘shig‘i” (“Bogemskaya rapsodiya”) loyihasida suratga tushish taklifini qabul qildi va mas’uliyat yukidan qo‘rqmadi. Odatda, biografik film ustida ishlashda bo‘lgani kabi, aktyor bir muncha vaqt haqiqiy hayotda qahramoniga aylanishi kerak edi. Rami Freddi Merkyuri bilan topilgan har bir video va intervyularni tomosha qildi. U pianino saboqlarini oldi va musiqachining harakatiga taqlid qilish uchun xoreograf bilan ishladi va hatto Freddi Merkyurining o‘ziga xos tishlarini taqlid qiladigan protez bilan uxlab qoldi.
Mehnatlar o‘z samarasini berdi. Rami 2019-yilgi mukofotlar mavsumida “Lo‘lilar qo‘shig‘i” filmidagi roli uchun mukofotlandi. Loyiha esa kino tarixidagi eng yuqori daromad keltiruvchi musiqiy film bo‘lib, uni ishlab chiqarishga sarflangan mablag‘dan 20 barobar ko‘p daromad keltirdi.
Rol tanlash
Rami Malek rollarni ehtiyotkorlik bilan tanlaydi. U komedik rollarni ijro etishni yoqtirmaydi, dramani afzal ko‘radi, remeyklardan qochadi, biroq bundan istisno ravishda aktyor o‘zini “Kapalak” loyihasida sinab ko‘rdi.
U kinodagi faoliyatining boshida “24” serialida terrorchi rolini o‘ynadi va shundan keyin “arab = terrorist” shtampidan foydalanadigan har qanday rollardan voz kechdi.
Aktyor aynan shu narsani “Bond” filmi prodyuserlariga aytdi, ular Ramiga “O‘lim vaqti emas” filmida Jeyms Bondning antagonistini o‘ynash taklifi bilan murojaat qildi. Rami Malek bu rolni o‘ynadi, chunki unga yovuz odam obrazini butunlay boshqacha talqin qilish taklif qilindi: aktyor Lyutsifer Safin ismli oddiy rus manyakining obrazini gavdalantirdi.
Rami Malekning shaxsiy hayoti
Rami Malek shaxsiy hayoti haqida gapirmaydi. Akyorning so‘zlariga ko‘ra, u o‘zi bilan bir kollejda o‘qigan Kirsten Danstni sevib qolgani ma’lum.
“Janob robot” filmining suratga olish jarayonida Rami serialdagi partnyori, aktrisa Porsha Dabldey bilan uchrashdi. Juftlik 2017-yilda, “Lo‘lilar qo‘shig‘i” filmining ustida ish boshlanganida ajralishdi va Rami Malek Freddi Merkyurining sevgilisi va keyinchalik eng yaqin do‘stiga aylangan Meri Ostin rolini o‘ynagan Lyusi Boynton bilan uchrasha boshladi.
Ular tadbirlarda birga ko‘rinish berdi, biroq munosabatlari haqida izoh berishmadi. Palm-Springs kinofestivalida Freddi Merkyuri rolini ajoyib ijro etgan akyor mukofot olganidan so‘ng, Lyusi Boyntonga bo‘lgan sevgisini tan oldi. Shundan keyin hech narsa o‘zgarmadi: Rami Malek va o‘zidan 13 yosh kichik sevgilisi turli tadbirlarda ham, sayr qilishda ham birga ko‘rishadi.
Uslub ramzi
Rami Malekni stilistlar va moda jurnalistlari yaxshi ko‘radi. Moda yo‘nalishidagi matbuot aktyorni “Janob mukammal” deb ataydi. U 2020-yilda Saint Laurent brendi bahor-yoz kolleksiyasining yuziga aylandi. Bundan tashqari, u nima kiyishidan qat’iy nazar, har doim o‘ta zamonaviy ko‘rinadi.
Izoh (0)