Toshkent viloyati Olmaliq shahrida 15-may kuni Damas 14 yoshli ikki nafar qizni urib yubordi. Bu haqda viloyat YHXB axborot xizmati xabar berdi.
Ma’lum qilinishicha, haydovchi 2004-yilda tug‘ilgan S.X. o‘z boshqaruvida bo‘lgan Damas’da 21-maktab qarshisidagi piyodalarni tartibga soluvchi chorrahada yo‘l-transport hodisasi sodir etgan.
Buning oqibatida 2009-yilda tug‘ilgan M.Y. (maktab o‘quvchisi) va uning tengdoshi S.A. tan jarohati olgan. Piyodalarga birinchi yordam ko‘rsatilib, olgan tan jarohati bo‘yicha shahar shifoxonasiga yetkazilgan (birining jarohati yengil).
Hozirda mazkur holat yuzasidan Olmaliq shahar ichki ishlar bo‘limi xodimlari tomonidan tergovga qadar surishtiruv ishlari olib borilmoqda. Dastlabki surishtiruvga ko‘ra, YTHga Damas haydovchisining svetofor qizil chirog‘ida harakatlangani sabab bo‘lgan.
Izoh (0)