Тошкент вилояти Олмалиқ шаҳрида 15 май куни Damas 14 ёшли икки нафар қизни уриб юборди. Бу ҳақда вилоят ЙҲХБ ахборот хизмати хабар берди.
Маълум қилинишича, ҳайдовчи 2004 йилда туғилган С.Х. ўз бошқарувида бўлган Damas’да 21-мактаб қаршисидаги пиёдаларни тартибга солувчи чорраҳада йўл-транспорт ҳодисаси содир этган.
Бунинг оқибатида 2009 йилда туғилган М.Й. (мактаб ўқувчиси) ва унинг тенгдоши С.А. тан жароҳати олган. Пиёдаларга биринчи ёрдам кўрсатилиб, олган тан жароҳати бўйича шаҳар шифохонасига етказилган (бирининг жароҳати енгил).
Ҳозирда мазкур ҳолат юзасидан Олмалиқ шаҳар ички ишлар бўлими ходимлари томонидан терговга қадар суриштирув ишлари олиб борилмоқда. Дастлабки суриштирувга кўра, ЙТҲgа Damas ҳайдовчисининг светофор қизил чироғида ҳаракатлангани сабаб бўлган.
Изоҳ (0)