O‘zbekiston uch oyda asosan qaysi davlatlardan yengil avtomobil import qilgani ma’lum bo‘ldi

O‘zbekiston 2023-yilning yanvar-mart oylarida xorijiy davlatlardan qiymati 283,7 million AQSH dollariga teng bo‘lgan 10 489 ta yengil avtomobil import qilgan. Bu haqda Statistika agentligi xabar berdi.

Qayd etilishicha, yengil avtomobillar importi o‘tgan yilning mos davri bilan solishtirilganda 1 981 taga oshgan. O‘zbekiston 3 oyda 19 ta davlatdan yengil avtomobillar import qilgan.

Yengil avtomobillarni eng ko‘p import qilgan davlatlar:

• Xitoy — 6 007 ta;
• Janubiy Koreya — 3 643 ta;
• AQSH — 460 ta;
• Gonkong — 187 ta;
• Yaponiya — 81 ta;
• Germaniya — 59 ta;
• Avstriya — 14 ta;
• BAA — 13 ta.

Avtomobillar importi

O‘zbekistonga 2023-yilning yanvar—mart oylarida 1 668 ta elektromobil import qilingan. Shuningdek, mart oyida xorijda ishlab chiqarilgan yangi yengil avtomobillar savdosi sezilarli darajada oshgani to‘g‘risida xabar berilgandi. Bir oy ichida “inomarka”lar bo‘yicha bitimlar soni 15 foizga ko‘paygan va 2,9 ming donaga yetgan. Fevral oyida esa elektromobillar sotuvi 746 donani tashkil etib, rekord qayd etgan edi.