O‘zbekistonda fevral oyida elektromobillar sotuvi 746 donani tashkil etib, rekord qayd etdi. Bu haqda Iqtisodiy tadqiqotlar va islohotlar markazi ma’lumotlaridan aniq bo‘ldi.
Qayd etilishicha, o‘tgan oyda elektromobillar sotuvi yanvarga nisbatan 73 foizga ko‘paygan. Elektromobillarning asosiy qismi Toshkent shahrida sotilgan — 549 dona.
Shu bilan birga, o‘tgan yilning shu davriga nisbatan elektromobillar savdosi 99 foizga oshdi.
-7.jpg)
Agar bir oy davomida birlamchi bozorda elektromobillar sotuvi yanvar oyi holatiga ko‘ra 2,3 baravar o‘sib, 617 donani tashkil etgan bo‘lsa, ikkilamchi bozorda sotuvlar 22 foizga kamayib, 129 donaga to‘g‘ri keldi.
Bu yangi elektromobillar sotuviga talab ko‘payganini anglatadi.
O‘zbekistonda hali hech qachon elektromobil sotuvi fevraldagidek ko‘p bo‘lmagan edi. Ikki yil ichida sotuvlar 12 barobarga ko‘paygan.
Ma’lumot uchun, fevralda sotilgan yengil avtomobillarining umumiy soni bir oy davomida 1,8 foizga kamaygan holda 116 mingtani tashkil etdi.
Izoh (0)