Ўзбекистон 2023 йилнинг январь март ойларида хорижий давлатлардан қиймати 283,7 миллион АҚШ долларига тенг бўлган 10 489 та енгил автомобиль импорт қилган. Бу ҳақда Статистика агентлиги хабар берди.
Қайд этилишича, енгил автомобиллар импорти ўтган йилнинг мос даври билан солиштирилганда 1 981 тага ошган. Ўзбекистон 3 ойда 19 та давлатдан енгил автомобиллар импорт қилган.
Енгил автомобилларни энг кўп импорт қилган давлатлар:
- Хитой — 6 007 та;
- Жанубий Корея — 3 643 та;
- АҚШ — 460 та;
- Гонконг — 187 та;
- Япония — 81 та;
- Германия — 59 та;
- Австрия — 14 та;
- БАА — 13 та.
Автомобильлар импорти
Ўзбекистонга 2023 йилнинг январь—март ойларида 1 668 та электромобил импорт қилинган. Шунингдек, март ойида хорижда ишлаб чиқарилган янги енгил автомобиллар савдоси сезиларли даражада ошгани тўғрисида хабар берилганди. Бир ой ичида “иномарка”лар бўйича битимлар сони 15 фоизга кўпайган ва 2,9 минг донага етган. Февраль ойида эса электромобиллар сотуви 746 донани ташкил этиб, рекорд қайд этган эди.
Изоҳ (0)