O‘zbekistonlik 30 nafar migrant Moskvadagi kafelardan biriga hujum qilgani to‘g‘risida xabar berilgandi. Tashqi mehnat migratsiyasi agentligi holatga munosabat bildirib, hujum qilganlar orasida o‘zbekistonliklar yo‘qligini ma’lum qildi.
Dastlabki o‘rganishlardan maʼlum bo‘lishicha, 11-may kuniga o‘tar kechasi tibbiy niqobdagi 25 nafarga yaqin fuqaro Veshnyakovskaya ko‘chasida joylashgan “Monro” kafesiga kirib, uning mulkiga zarar yetkaza boshlagan. Shundan so‘ng, kafe xodimlariga ham hujum qilgan.
Voqeadan bir necha soat o‘tgach, gumonlanuvchilarning bir guruhi Podolsk va Kommunark hududlarida hibsga olingan.
Shuningdek, mazkur voqeadan bir necha kun oldin ushbu kafe xodimlari va mijozlar o‘rtasida yuzaga kelgan ziddiyat oqibatida kafe mulkiga yetkazilgan zarar uchun 30 ming rubl tovon puli undirilgan.
“Veshnyaki tumani huquq-tartibot idoralari maʼlumotlariga ko‘ra, mazkur voqea gumonlanuvchilari o‘rtasida O‘zbekiston fuqarolari yo‘q”, — deyiladi xabarda.
Bundan oldin Rossiyada 10 oylik chaqalog‘ini tiriklay ko‘mmoqchi bo‘lgan o‘zbekistonlik ayol qo‘lga olingani, Rossiyada O‘zbekiston fuqarosi voyaga yetmagan qizlarga jinsiy zo‘ravonlik qilib kelgani aniqlangani, Moskvada o‘zbekistonlik migrantlar ishtirokida mushtlashuv sodir bo‘lgani to‘g‘risida xabar berilgandi.
Izoh (0)