O‘zbekistonlik 30 nafar migrant Moskvadagi kafelardan biriga hujum qildi

30 nafar o‘zbekistonlik migrant 10-may kuni kechasi Moskvadagi Monro kafesiga bostirib kirdi. Bu haqda Readovka xabar berdi.

Nashrning yozishicha, ular kafega hujum qilib, uch xodimga tashlangan. Ulardan biriga pichoq sanchib, ikkinchisiga qurol bilan tahdid qilishgan. Hujum oqibatida xodimlarning qovurg‘alari singan, homilador ayolning qorniga bita bilan urishgan va telefonlarni o‘g‘irlashgan.

Migrantlar oldin ham kafega tashrif buyurgan va kafega kelgan boshqa odamlar bilan janjallashgan. Administratorning so‘zlariga ko‘ra, o‘shanda ular mebellar va idish-tovoqlarni sindirgan, buning uchun jarima to‘lab, xotirjamlik bilan kafeni tark etgan. 

Biroq, 10-may kuni ular yana sheriklari bilan qaytib kelib, pogrom uyushtirgan. Bunday harakatga nima sabab bo‘lgani noma’lum. Balki muhojirlar shu yo‘l bilan qasos olishga qaror qilgandir, deb yozadi nashr.

Hodisadan keyin migrantlar Podolskga, shuningdek, Moskva yaqinidagi boshqa shaharlarga jo‘nab ketgan. Politsiya hali ham ularning barini qo‘lga olmagan.