Sevimli kremingizning yaroqlilik muddati tugadi, biroq qolgan krem miqdori yana bir oyga yetadi. Uni yuzingizga surtsangiz, nojo‘ya ta’sir qilishi mumkin. Ayrim mahsulotlarni yaroqlilik muddati tugagandan keyin ishlatib bo‘lmaydi.
Tish cho‘tkasi
Muntazam ishlatilgan tish cho‘tkasi tezda eskiradi. Tish cho‘tkasining tolalari ikki oydan so‘ng to‘kila boshlaydi va chigallashib ketadi. Uchinchi oyga kelib bunday cho‘tkani ishlatib bo‘lmaydi. Eskirgan tish cho‘tkasi tishlarni va kariyeslarni tozalay olmaydi, shuning uchun stamotologlar uni har uch oyda almashtirishni tavsiya qiladi.
Quyoshdan himoyalovchi krem
Quyoshdan himoyalovchi kremning yaroqlilik muddatiga e’tibor berishni unutmang. Quyosh nurlaridan saqlanishda yordam beradigan komponentlar vaqt o‘tishi bilan zaiflashadi. Yaroqlilik muddati tugagandan so‘ng bu moddalar oksidlanishni boshlaydi va o‘z xususiyatlarini yo‘qotadi. Qolgan kremni qancha ko‘p surtsangiz ham, u sizni kuyishdan va teri saratoni rivojlanishidan himoya qila olmaydi.
Linza idishi
Tozalash eritmasidan foydalanishingizga qaramay, idish devorlarida mikrob qoladi. To‘plangan bakteriyalar keyinchalik linzalarga tushadi va jiddiy yuqumli kasalliklarning rivojlanishiga olib kelishi mumkin. Masalan, bunday holatda shox parda yarasi rivojlanishi mumkin, u ko‘zda chandiqqa aylanadi va ko‘rishga ta’sir qiladi. Agar kasallikning oldini olishni istasangiz, linza qopqog‘ini kamida uch oyda bir marta almashtiring.
Tush
Tush idishini ochgandan ikki-uch oy o‘tib tashlash tavsiya etiladi, chunki suvga asoslangan har qanday kosmetika tez orada mikroblarning tushish joyiga aylanadi. Bundan tashqari, agar tush namligi yuqori bo‘lgan joyda saqlansa, ularning ko‘payishi tezlashadi. O‘zingizni ko‘z infeksiyasidan saqlang va muddati o‘tgan tushni tashlab yuboring.
Lab bo‘yog‘i
Lab bo‘yog‘ining sifati buzilmasligi va yumshoq bo‘lib qolmasligi uchun uni salqin joyda saqlash tavsiya etiladi. Bundan tashqari, olti oylik foydalanishdan keyin lab bo‘yog‘ini tashlab yuborish kerak, chunki makiyaj qilish paytida lablardagi barcha bakteriyalar lab bo‘yog‘iga o‘tadi, keyin esa bu holat aksincha takrorlanadi.
Kremli kosmetika mahsulotlari
Agar konsilyer, ten yoki rumyana qalinlashib ketsa, uni tashlab yuboring. Ayniqsa, tenlarga ehtiyot bo‘ling, ular ko‘zga surtiladi va infeksiya tushishiga olib keladi.
Oshxona taxtachalari
Taxtachadagi pichoqlarning chuqur kesilgan joylarini tozalashning iloji yo‘q, shuning uchun ular ko‘plab bakteriyalarning tushish joyiga aylanadi. Plastik taxtachalar yiliga kamida bir marta o‘zgartirilishi kerak. Biroq, ularni yog‘och materialdan tayyorlangani bilan almashtirgan ma’qul. Bunday taxtachalarni yetti yilgacha saqlash mumkin.
Eski plastik oziq-ovqat idishlari
Aksariyat eski plastik idishlarda bisfenol mavjud bo‘lib, u mikroto‘lqinli pechda qizdirilganda va suv bilan yuvilganda ajralib chiqadi va natijada oziq-ovqatga kiradi. Yorilgan, eskirgan idishlarni tashlab yuboring va ularni shisha idish bilan almashtiring.
Idish yuvish gubkasi
Idish yuvish gubkasida millionlab zararli moddalar to‘planadi, shuning uchun bir necha kundan keyin almashtirish to‘g‘ri bo‘ladi. Kimdir gubkani mikroto‘lqinli pechda isitishni tavsiya qiladi. Shimgichni muntazam ravishda almashtirish yoki uni paxtali latta bilan almashtirgan ma’qul.
Yugurish poyabzali
Bir juft krossovka 400-500 km yurgandan keyin yaroqsiz bo‘lib qoladi, ya’ni haftasiga 50 km yugursangiz, uch oydan keyin poyabzalni almashtirishga to‘g‘ri keladi. Raqamlarga e’tibor berish o‘rniga, boshqa jihatlarga e’tibor bering: harakat qilish qiyinlashadi, oyoq mushaklari og‘riy boshlaydi, bular amortizatsiya qobiliyati yomonlashganidan dalolat beradi va yangi poyabzal sotib olishingiz kerakligini anglatadi. Aks holda bu suyaklar va bo‘g‘imlarga zararli bo‘ladi.
Izoh (0)