To‘g‘ri ovqatlanish har qanday ishlaydigan odam uchun og‘riqli nuqtadir. Birgina qadoqlangan chuchvara pishirish uchun qancha vaqt va kuch ketadi? To‘g‘ri ovqatlanish bo‘yicha mutaxassis Laura Burakning fikricha “aqlli” muzlatkich har doim “kechki ovqatga nima bor?” degan savolga tezgina javob berishga tayyor bo‘ladi. Chunki siz turli xil ozuqaviy moddalarga boy oziq-ovqatlarni to‘plasangiz, tayyor ovqatlarni yetkazib berishga sarflanadigan mablag‘ni tejashingiz va eng muhimi, foydali va zavq bilan ovqatlanishingiz mumkin.
Unutmang: muzlatkichning alohida kamerasida mahsulotlar 6 oygacha (-15 haroratda), sovutkich ichidagi muzlatkichda taxminan 3-4 oy saqlanadi. Har doim yaroqlilik muddati va saqlash sharoitlarini tekshiring, shuningdek, do‘kondan ketayotganda oziq-ovqat muzdan erimasligiga ishonch hosil qiling, uni qayta muzlatish yaramaydi.
Rezavorlar va ba’zi mevalar
.jpg)
Mavsum davomida menyuga doimiy ravishda yangi rezavor mevalarni qo‘shishda hech qanday muammo yo‘q, lekin faqat shu mavsumning davomiyligi juda qisqa va siz butun yil davomida mazali ovqatlanishni xohlaysiz. Meva va sabzavotlar yetilib pishganda muzlatiladi, shuning uchun ularning sifatidan shubhalanish kerak emas. Bunday xomashyoni kokteyllar, pishiriqlar, tvorog yoki choyga qo‘shish uchun ishlatish mumkin.
Ismaloq
Qachondir yangi ismaloq pishirganmisiz? U muzlatilganda hajmi deyarli o‘n barobarga kamayadi! Ha, uning barra barglaridan salatga, makaron uchun sousga qo‘shish mumkin. Va baliq uchun garnir yoki shunchaki yashil borshni qaynatish uchun muzlatgichdan bir paket ismaloq olish kifoya. U yuviladi, quritiladi va dozalash juda oson bo‘lgan kichik kapsulalarda muzlatiladi.
Yashil no‘xat
Kichik miqdordagi sariyog‘ bilan pishirilgan yashil no‘xat bolalar tomonidan sevib iste’mol qilinadi. U yangi pishirilgan makaronga pishloq bilan birga qo‘shilishi ham mumkin, bu taomni yanada mazali va foydali qiladi.
Loviya
Yangi loviya kamdan kam uchraydi va qimmat. Muzlatilgan loviya esa har doim yangi, yashil va yeyishga tayyor, chunki ularni atigi 5 daqiqada pishirish mumkin.
Tilimlangan non va bo‘laklarga bo‘lingan bulochkalar
Yangi non sotib olishga vaqtingiz yo‘q, chunki nonni yeb bo‘lgunga qadar qotib qoladi va mog’orlaydi. Eng optimal variant bu — nonni muzlatkichda saqlash. Kesilgan qismlarni toster mashinasiga yuborish mumkin (quritilgan non ancha foydali hamdir), bulochka yoki kruassanlarni yakshanba kuni nonushta qilish uchun ishlatishdan oldin darhol pechda qizdirib oling. Va hech qayerga borish shart emas!
Qisqichbaqalar va baliq filesi
Agar oilaningiz katta bo‘lsa yoki har kuni ishdan keyin oziq-ovqat do‘koniga borishni yoqtirmasangiz, hayvon oqsillari bilan ta’minlanganingiz ma’qul, chunki ular uzoq vaqt yangi bo‘lib qolmaydi. Porsiyalangan baliq filesini pishirish juda oson — 15 daqiqada muzlatilgan xomashyodan to‘laqonli taom olasiz. Va qisqichbaqalar bilan bu yanada osonroq — ularni issiq suv bilan yuvib tashlang va tezda sarimsoq bilan qovuring.
Izoh (0)